رێڤه‌به‌را په‌روه‌ردا رۆژهه‌لات سه‌ره‌دانا قوتابخانا ساركێ و لۆمانا يێن بنه‌ره‌ت کر

    به‌لاڤكرن: په‌روه‌ردا دهۆك روژهه‌لات
    26 كانوونا ئێكێ 2018

رێڤه‌به‌را په‌روه‌ردا رۆژهه‌لات سه‌ره‌دانا قوتابخانا ساركێ و لۆمانا يێن بنه‌ره‌ت کر


د به‌رده‌وامیا سه‌ره‌دانێن خوه‌ دا و نزيك بوونا ئه‌زموونێن وه‌رزێ ئێكێ يێ خواندنێ فادیه عبدالقهار محمد رێڤه‌به‌را په‌روه‌ردا قه‌زا دهۆك رۆژهه‌لات دگه‌لدا نصرالدین له‌زگین سه‌رپه‌رشتێ ئێکێ ب وه‌کاله‌ت سه‌ره‌دانا قوتابخانا #لۆمانا #ساركێ یێن بنه‌ره‌ت كر و ژ نێزیك هایداری ره‌وشا وان بوو.

رێڤه‌به‌را په‌روه‌ردێ پشتى گه‌ریانه‌ك دناڤا هۆلێن خواندنێ دا كرین ل قوتابخانێن ناڤهاتی چه‌ندین شیره‌ت و ئامۆژگارى پێشكیشى قوتابیان كرن پێخه‌مه‌ت بلندكرنا ئاستێ زانستى و بده‌ستڤه‌ئينانا نمرين بلند ل ئه‌زموونان .

پاشان ریڤه‌به‌را په‌روه‌ردێ دیفچوونا تۆمارێن قوتابخانا کرن و بۆ كارگێریێن قوتابخانا به‌رهه‌ڤیا خوه‌ دیار كر بۆ هه‌ر هه‌ڤكاریه‌كێ بۆ پتر خزمه‌تكرنا قوتابى و سه‌رخستنا پرۆسا په‌روه‌ردێ و ل دوماهیێ دوپاتی ل رێڤه‌به‌رێن قوتابخانا و مامۆستایان كر كۆ گرنگیه‌كا مه‌زن ب پاقژیێ بده‌ن و دووپاتی ل رۆژا بلند کرنا ئالایی و ئاستێ زانستى يێ قوتابيان و هه‌ستێ نه‌ته‌وايه‌تى و چڤاتێن دایك و بابان کر و ده‌ستخۆشى ل كارێ وان كر .