ل روژا ئالايێ كوردستانێ رێز ل ژماره‌كا رێڤه‌به‌رێن قوتابخانا ژلايێ ليژنا ناوچا كوماته‌ هاته‌ كرن

    به‌لاڤكرن: رێڤه‌به‌ریا گشتى یا په‌روه‌ردا پارێزگه‌ها دهوك
    17 كانوونا ئێكێ 2018

ب هه‌لكه‌فتا پيروزا روژا ئالايێ كوردستانێ ئه‌ڤرو روژا دووشه‌مبى رێكه‌فتى 17/12/2018 و ل باره‌گايێ لژنا ناوچا كوماته‌ سه‌ر ب لقێ ئێكێ پارتى ڤه‌ و ب ئاماده‌بونا به‌رێز ديار فتاح گولى به‌رپرسێ ليژنا كوماته‌ وعمر على تاها رێڤه‌به‌رێ گشتى يێ په‌روه‌ردێ وهه‌ردوو رێڤه‌به‌رێن په‌روه‌ردێن قه‌زا دهوك روژ ئاڤا ورژهه‌لات و سه‌روكێ لقێ دهوك يێ ئێكه‌تيا ماموستايێن كوردستانێ و ژماره‌كا به‌رپرسێن حزبى ورێڤه‌به‌ر وماموستا رێ وره‌سمێن خه‌لاتكرنا ژماره‌كا رێڤه‌به‌رێن قوتابخانا ل سنورێ ليژنا كوماته‌ هاتنه‌ كرن .

دڤان رێ وره‌سمان چه‌ندين په‌يڤ هاتنه‌ خواندن وتێدا په‌سنا رولێ ماموستا و ئه‌و هه‌لويستێن بدرێژاهيا مێژوويا پر سه‌روه‌ريا وان بو دوزا ره‌وايا گه‌لێ كورد كر وب پێشمه‌رگێ سه‌نگه‌رێ زانين وزانست وپێگه‌هاندنا نه‌وه‌يێن كورد ل قه‌له‌م دان .

لدوماهيا رێ وره‌سمان رێڤه‌به‌رێن قوتابخانا ژلايێ ئاماده‌بويان هاتنه‌ خه‌لاتكرن .